Поделиться в соцсетях:

Похвала Пресвятой Богородицы (Суббота Акафиста)

31 марта 2017 г. Просмотров: 97

В субботу на пятой седмице Великого поста святая Церковь торжественно совершает молебное пение Акафиста или благодарственной Похвалы Пресвятой Богородице.

История праздника Похвалы Пресвятой Богородицы

В конце июля 626 года при императоре Ираклии I (610-641) персидские и скифские войска начали усиленный штурм городских стен Царь-града, применяя при этом тяжелую технику.

 


Тогда по благословению Византийского патриарха Сергия I (610-638) народ собрался на ночную молитву во Влахернскую церковь Пресвятой Богородицы, где хранилась святая икона Ее, написанная, по преданию, св. евангелистом Лукой. Потом, выйдя из церкви с чудотворной Влахернской иконой, все люди обошли крестным ходом по стенам города, прося помощи и заступничества Пречистой Девы.
И тогда на море поднялась великая буря, которая разбила и потопила корабли противников.

Это событие имеет подробное описание в Синаксаре на 5-ю субботу Великого поста: «Патриарх же со всем множеством народа, Божественныя иконы Богоматере носяще, обхождаше по стенам града выше, и оттуду крепость себе собирая. Яко убо Сарвар от востока, Каган же от запада идяху, и огнем паляще ближняя Царя града… Каган же скифянин от земных стран, к стенам Константина града подходит, со множеством бесчисленным воинством, крепко зело оружии утвержени. Толико бо множество бяше, елико единому гречину, с десятьми скифяны братися.
Обаче же непобедимая Предстательница, с малыми зело воины, обретшимися в храме Ея, нарицаемем Пигии, многия от них погуби. Отсудуже грецы дерзновение приемше, от Воеводы не победимыя Божия Матере, онех крепко зело побеждаху. Возревше же на смирение граждане, не прияти быша. Отвеща бо им Каган, не прельщайтеся Богом, в Онь же веруете. Утре бо веде ваш град прияти имам. Граждане же слышавше, руце к Богу простираху. Совещашабося купно, Каган и Сарвар, от суши и от моря приити, и хитротворными браньми град прияти хотяше… Лодии же исполнь оружник, обходом моря, еже рог пазухи нарицается, противу храма Божия Матере Влахерне нарицаема. И абие бури силне морю припадше, и разделивши сие на разделение. С корабли бо всеми купно врази вси погибоша»
.

В Русской истории также известны многочисленные случаи, когда Богоматерь подавала Свою благодатную помощь на поле брани православным воинам, защищавшим родную землю от нашествия супостатов. Примечательно, что, согласно русским летописям, святой князь Александр Невский одержал победу над немецкими рыцарями на льду Чудского озера именно в день Похвалы Непобедимой Воеводе: в 1242 году 5 апреля совпало с 5-ой субботой Великого поста, т.е. с церковным чтением Акафиста. В помощи от монголо-татарских захватчиков и в годы польско-литовской интервенции особенно прославились Владимирская и Казанская иконы Пресвятой Богородицы.



Акафист, написанный в VII веке, это священная похвала Пресвятой Девы. Он состоит из 24 гимнов. Все творение оканчивается краткою молитвою к Пресвятой Деве о том, чтобы Она спасла христиан от бед и напастей. Наша Православная Церковь совершает это торжество для утверждения кающихся в надежде на Заступницу Небесную. Сама Пресвятая Дева во время Своей земной жизни чуждалась славы и избегала ее. Даже в тот момент, когда Она славила Бога за то, что Он избрал Ее стать Матерью Господа, Она видит Себя смиренной рабой. И потом, когда народ прославлял Иисуса Христа за творимые Им чудеса, когда торжественно встречали Его в Иерусалиме, Божия Матерь находилась как бы в стороне. Но когда над Ним совершали поругание, когда распинали, Божия Матерь была рядом с Ним. Уже на заре истории христианской Церкви верующие уразумели близость Пресвятой Девы к Богу, увидели и опытно ощутили силу Ее предстательства на небе. И поэтому прославляли Ее всечестное имя, призывали Ее в молитвах, просили помощи. И с тех пор Ее боголепная слава сияла, сияет и будет сиять, потому что слава Божией Матери – это дело Божие, это то, что установлено самим Божественным провидением. Сегодня мы не найдем ни одного православного храма, не встретим ни одной православной души, для которой Божия Матерь не была бы дорогой и родной. Она – наша вера, наше упование и радость, наша молитвенница и заступница.










АКАФИСТ ПРЕСВЯТЕЙ БОГОРОДИЦЕ 

Кондак 1
Взбранной Воеводе победительная, яко избавльшеся от злых, благодарственная восписуем Те раби Твои, Богородице; но, яко имущая державу непобедимую, от всяких нас бед свободи, да зовем Ти:
Радуйся, Невесто Неневестная.
Икос 1
Ангел предстатель с Небесе послан бысть рещи Богородице: радуйся, и со безплотным гласом, воплощаема Тя зря, Господи, ужасашеся и стояше, зовый к Ней таковая:
Радуйся, Еюже радость возсияет; радуйся, Еюже клятва изчезнет.
Радуйся, падшаго Адама воззвание; радуйся, слез Евиных избавление.
Радуйся, высото неудобовосходимая человеческими помыслы; радуйся, глубино неудобозримая и ангельскима очима.
Радуйся, яко еси Царево седалище; радуйся, яко носиши Носящаго вся.
Радуйся, Звездо, являющая Солнце; радуйся, утробо Божественнаго воплощения.
Радуйся, Еюже обновляется тварь; радуйся, Еюже покланяемся Творцу.
Радуйся, Невесто Неневестная.

Кондак 2
Ведящи Святая Себе в чистоте, глаголет Гавриилу дерзостно: преславное твоего гласа неудобоприятельно души Моей является; безсеменнаго бо зачатия рождество како глаголеши, зовый: Аллилуиа.

Икос 2
Разум недоразумеваемый разумети Дева ищущи, возопи к служащему: из боку чисту, Сыну како есть родитися мощно, рцы Ми? К Нейже он рече со страхом, обаче зовый сеце:
Радуйся, совета неизреченнаго Таиннице; радуйся, молчания просящих веро.
Радуйся, чудес Христовых начало; радуйся, велений Его главизно.
Радуйся, лествице небесная, Еюже сниде Бог; радуйся, мосте, преводяй сущих от земли на Небо.
Радуйся, Ангелов многословущее чудо; радуйся, бесов многоплачевное поражение.
Радуйся, Свет неизреченно родившая; радуйся, еже како, ни единаго же научившая.
Радуйся, премудрых превосходящая разум; радуйся, верных озаряющая смыслы.
Радуйся, Невесто Неневестная.
Кондак 3
Сила Вышняго осени тогда к зачатию Браконеискусную, и благоплодная Тоя ложесна, яко село показа сладкое, всем хотящим жати спасение, внегда пети сице: Аллилуиа.

Икос 3
Имущи Богоприятную Дева утробу, востече ко Елисавети; младенец же оноя абие познав Сея целование, радовашеся, и играньми, яко песньми, вопияше к Богородице:
Радуйся, Отрасли неувядаемыя розго; радуйся, Плода безсмертнаго стяжание.
Радуйся, Делателя делающая, Человеколюбца; радуйся, Садителя жизни нашея рождшая.
Радуйся, ниво, растящая гобзование щедрот; радуйся, трапезо, носящая обилие очищения.
Радуйся, яко рай пищный процветаеши; радуйся, яко пристанище душам готовиши.
Радуйся, приятное молитвы кадило; радуйся, всего мира очищение.
Радуйся, Божие к смертным благоволение; радуйся, смертных к Богу дерзновение.
Радуйся, Невесто Неневестная.

Кондак 4
Бурю внутрь имея помышлений сумнительных, целомудренный Иосиф смятеся, к Тебе зря небрачней, и бракоокрадованную помышляя, Непорочная; уведев же Твое зачатие от Духа Свята, рече: Аллилуиа.

Икос 4
Слышаша пастырие Ангелов, поющих плотское Христово пришествие, и, текше яко к Пастырю, видят Сего, яко агнца непорочна, во чреве Мариине упасшася, Юже поюще реша:
Радуйся, Агнца и Пастыря Мати; радуйся, дворе словесных овец.
Радуйся, невидимых врагов мучение; радуйся, райских дверей отверзение.
Радуйся, яко небесная срадуются земным; радуйся, яко земная сликовствуют небесным.
Радуйся, апостолов немолчная уста; радуйся, страстотерпцев непобедимая дерзосте.
Радуйся, твердое веры утверждение; радуйся, светлое благодати познание.
Радуйся, Еюже обнажися ад; радуйся, Еюже облекохомся славою.
Радуйся, Невесто Неневестная.
Кондак 5
Боготечную звезду узревше волсви, тоя последоваша зари, и яко светильник держаще ю, тою испытаху крепкаго Царя, и достигше Непостижимаго, возрадовашася, Ему вопиюще: Аллилуиа.

Икос 5
Видеша отроцы халдейстии на руку Девичу Создавшаго руками человеки, и Владыку разумевающе Его, аще и рабий прият зрак, потщашася дарми послужити Ему и возопити Благословенней:
Радуйся, Звезды незаходимыя Мати; радуйся, заре таинственнаго Дне.
Радуйся, прелести пещь угасившая; радуйся, Троицы таинники просвещающая.
Радуйся, мучителя безчеловечнаго изметающая от начальства; радуйся, Господа Человеколюбца показавшая Христа.
Радуйся, варварскаго избавляющая служения; радуйся, тимения изымающая дел.
Радуйся, огня поклонение угасившая; радуйся, пламене страстей изменяющая.
Радуйся, верных наставнице целомудрия; радуйся, всех родов веселие.
Радуйся, Невесто Неневестная.

Кондак 6
Проповедницы богоноснии бывше волсви, возвратишася в Вавилон, скончавше Твое пророчество и проповедавше Тя Христа всем, оставиша Ирода, яко буесловна, не ведуща пети: Аллилуиа.

Икос 6
Возсиявый во Египте просвещение истины, отгнал еси лжи тьму; идоли бо его, Спасе, не терпяще Твоея крепости, падоша, сих же избавльшися вопияху к Богородице:
Радуйся, исправление человеков; радуйся, низпадение бесов.
Радуйся, прелести державу поправшая; радуйся, идольскую лесть обличившая.
Радуйся, море, потопившее фараона мысленнаго; радуйся, каменю, напоивший жаждущия жизни.
Радуйся, огненный столпе, наставляяй сущия во тьме; радуйся, покрове миру, шерший облака.
Радуйся, пище, манны приемнице; радуйся, сладости святыя служительнице.
Радуйся, земле обетования; радуйся, из неяже течет мед и млеко.
Радуйся, Невесто Неневестная.

Кондак 7
Хотящу Симеону от нынешняго века преставитися прелестнаго, вдался еси яко младенец тому, но познался еси ему и Бог совершенный. Темже удивися Твоей неизреченней премудрости, зовый: Аллилуиа.

Икос 7
Новую показа тварь, явлься Зиждитель нам, от Него бывшим, из безсеменныя прозяб утробы и сохранив Ю, якоже бе, нетленну, да чудо ведяще, воспоим Ю, вопиюще:
Радуйся, цвете нетления; радуйся, венче воздержания.
Радуйся, воскресения образ облистающая; радуйся, ангельское житие являющая.
Радуйся, древо светлоплодовитое, от негоже питаются вернии; радуйся, древо благосеннолиственное, имже покрываются мнози.
Радуйся, во чреве носящая Избавителя плененным; радуйся, рождшая Наставника заблуждшим.
Радуйся, Судии праведнаго умоление; радуйся, многих согрешений прощение.
Радуйся, одеждо нагих дерзновения; радуйся, любы, всякое желание побеждающая.
Радуйся, Невесто Неневестная.

Кондак 8
Странное рождество видевше, устранимся мира, ум на Небеса преложше: сего бо ради высокий Бог на земли явися смиренный человек, хотяй привлещи к высоте Тому вопиющия: Аллилуиа.

Икос 8
Весь бе в нижних и вышних никакоже отступи неописанное Слово: снизхождение бо Божественное, не прехождение же местное бысть, и рождество от Девы Богоприятныя, слышащия сия:
Радуйся, Бога невместимаго вместилище; радуйся, честнаго таинства двери.
Радуйся, неверных сумнительное слышание; радуйся, верных известная похвало.
Радуйся, колеснице пресвятая Сущаго на Херувимех; радуйся, селение преславное Сущаго на Серафимех.
Радуйся, противная в тожде собравшая; радуйся, девство и рождество сочетавшая.
Радуйся, Еюже разрешися преступление; радуйся, Еюже отверзеся рай.
Радуйся, ключу Царствия Христова; радуйся, надеждо благ вечных.
Радуйся, Невесто Неневестная.

Кондак 9
Всякое естество ангельское удивися великому Твоего вочеловечения делу: неприступнаго бо, яко Бога, зряще всем приступнаго Человека, нам убо спребывающа, слышаща же от всех: Аллилуиа.

Икос 9
Вития многовещанныя, яко рыбы, безгласныя видим о Тебе, Богородице: недоумевают бо глаголати, еже како и Дева пребываеши, и родити возмогла еси. Мы же, таинству дивящеся, верно вопием:
Радуйся, премудрости Божия приятелище; радуйся, промышления Его сокровище.
Радуйся, любомудрыя немудрыя являющая; радуйся, хитрословесныя безсловесныя обличающая.
Радуйся, яко обуяша лютии взыскателе; радуйся, яко увядоша баснотворцы.
Радуйся, афинейская плетения растерзающая; радуйся, рыбарския мрежи исполняющая.
Радуйся, из глубины неведения извлачающая; радуйся, многи в разуме просвещающая.
Радуйся, кораблю хотящих спастися; радуйся, пристанище житейских плаваний.
Радуйся, Невесто Неневестная.

Кондак 10
Спасти хотя мир, Иже всех Украситель, к сему самообетован прииде, и Пастырь сый, яко Бог, нас ради явися по нам человек: подобным бо подобное призвав, яко Бог слышит: Аллилуиа.

Икос 10
Стена еси девам, Богородице Дево, и всем, к Тебе прибегающим: ибо Небесе и земли Творец устрои Тя, Пречистая, вселься во утробе Твоей, и вся приглашати Тебе научи:
Радуйся, столпе девства; радуйся, дверь спасения.
Радуйся, начальнице мысленнаго наздания; радуйся, подательнице Божественныя благости.
Радуйся, Ты бо обновила еси зачатыя студно; радуйся, Ты бо наказала еси окраденныя умом.
Радуйся, тлителя смыслов упраждняющая; радуйся, Сеятеля чистоты рождшая.
Радуйся, Чертоже безсеменнаго уневещения; радуйся, верных Господеви сочетавшая.
Радуйся, добрая младопитательнице девам; радуйся, невестокрасительнице душ святых.
Радуйся, Невесто Неневестная.

Кондак 11
Пение всякое побеждается, спростретися тщащееся ко множеству многих щедрот Твоих: равночисленныя бо песка песни аще приносим Ти, Царю Святый, ничтоже совершаем достойно, яже дал еси нам, Тебе вопиющим: Аллилуиа.

Икос 11
Светоприемную свещу, сущим во тьме явльшуюся, зрим Святую Деву, невещественный бо вжигающи Огнь, наставляет к разуму Божественному вся, зарею ум просвещающая, званием же почитаемая сими:
Радуйся, луче умнаго Солнца; радуйся, светило незаходимаго Света.
Радуйся, молние, души просвещающая; радуйся, яко гром враги устрашающая.
Радуйся, яко многосветлое возсияваеши просвещение; радуйся, яко многотекущую источаеши реку.
Радуйся, купели живописующая образ; радуйся, греховную отъемлющая скверну.
Радуйся, бане, омывающая совесть; радуйся, чаше, черплющая радость.
Радуйся, обоняние Христова благоухания; радуйся, животе тайнаго веселия.
Радуйся, Невесто Неневестная.

Кондак 12
Благодать дати восхотев долгов древних, всех долгов Решитель человеком, прииде Собою ко отшедшим Того благодати и, раздрав рукописание, слышит от всех сеце: Аллилуиа.

Икос 12
Поюще Твое Рождество, хвалим Тя вси, яко одушевленный храм, Богородице: во Твоей бо вселився утробе содержай вся рукою Господь, освяти, прослави и научи вопити Тебе всех:
Радуйся, селение Бога и Слова; радуйся, святая святых большая.
Радуйся, ковчеже, позлащенный Духом; радуйся, сокровище живота неистощимое.
Радуйся, честный венче царей благочестивых; радуйся, честная похвало иереев благоговейных.
Радуйся, Церкве непоколебимый столпе; радуйся, Царствия нерушимая стено.
Радуйся, Еюже воздвижутся победы; радуйся, Еюже низпадают врази.
Радуйся, тела моего врачевание; радуйся, души моея спасение.
Радуйся, Невесто Неневестная.

Кондак 13
О Всепетая Мати, рождшая всех святых Святейшее Слово! Нынешнее приемши приношение, от всякия избави напасти всех и будущия изми муки о Тебе вопиющих: Аллилуиа.
Этот кондак читается трижды, затем 1-й икос «Ангел предстатель…» и 1-й кондак «Взбранной Водеводе…».

Молитва
О, Пресвятая Госпоже Владычице Богородице, вышши еси всех Ангел и Архангел и всея твари честнейши, Помощнице еси обидимых, ненадеющихся надеяние, убогих Заступнице, печальных утешение, алчущих Кормительнице, нагих одеяние, больных исцеление, грешных спасение, христиан всех поможение и заступление. О, Всемилостивая Госпоже, Дево Богородице Владычице, милостию Твоею спаси и помилуй святейшия патриархи православныя, преосвященныя митрополиты, архиепископы и епископы и весь священнический и иноческий чин, и вся православныя христианы ризою Твоею честною защити; и умоли, Госпоже, из Тебе без семене воплотившагося Христа Бога нашего, да препояшет нас силою Своею свыше на невидимыя и видимыя враги наша. О, Всемилостивая Госпоже Владычице Богородице! Воздвигни нас из глубины греховныя и избави нас от глада, губительства, от труса и потопа, от огня и меча, от нахождения иноплеменных и междоусобныя брани, и от напрасныя смерти, и от нападения вражия, и от тлетворных ветр, и от смертоносные язвы, и от всякаго зла. Подаждь, Госпоже, мир и здравие рабом Твоим, всем православным христианом, и просвети им ум и очи сердечныя, еже ко спасению; и сподоби ны, грешныя рабы Твоя, Царствия Сына Твоего, Христа Бога нашего, яко держава Его благословена и препрославлена, со Безначальным Его Отцем и с Пресвятым, и Благим, и Животворящим Его Духом, ныне и присно, и во веки веков. Аминь.

Тропарь, глас 2
Моление теплое и стена необоримая, милости источниче, мирови прибежище, прилежно вопием Ти: Богородице Владычице, предвари и от бед избави нас, едина вскоре предстательствующая.

Ин тропарь, глас 8
Повеленное тайно прием в разуме, в крове Иосифове тщанием предста безплотный, глаголя Неискусобрачней: Приклонивый схождением небеса вмещается неизменно весь в Тя; Егоже и видя в ложеснах Твоих, приемша рабий зрак, ужасаюся звати Тебе: радуйся, Невесто Неневестная.

Кондак, глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ускори на молитву и потщися на умоление, предстательствующи присно, Богородице, чтущих Тя.

Ин кондак, глас 6
Не имамы иныя помощи, не имамы иныя надежды, разве Тебе, Владычице, ты нам помози, на Тебе надеемся и Тобою хвалимся, Твои бо есмы раби, да не постыдимся.


Материалы с наибольшим количеством просмотров
© Храм Успения Пресвятой Богородицы
2016 г.
Яндекс.Метрика